Oddveig: – Sterkt kritisk til sauebonden

ODDVEIG

60012

Kosinusdott

Fødd på garden 23. april 2016

Oddveig: – Som tillitssau er eg kronisk kritisk til Fjellaren

Oddveig vil ha bilde tatt frå sida etter at ho mista eitt av horna. (Foto: Håvar Fagerli)

Oddveig viste allereie i ung alder at ho var ein skarp sau. To år gammal kapra Oddveig vervet som tillitssau i saueflokken på Fjellet.

Det hadde lenge vore kniving om det prestisjefylte vervet i flokken, og den då unge og hornfagre søya vart stemt fram som benkeforslag etter ein knallhard kamp i kulissene.

Sidan den gong har Oddveig hatt litt motgang, og ber no preg av at det er tøft på toppen.

– Eg har no mista eit horn, og krev derfor at det eg framover blir fotografert i profil, seier Oddveig til sauen.no.

Mor: Kosinus (20003)

Far: Gråvar (50024)

Oddveig er godt fornøgd med namnet og meiner sjølv at ho ber namnet med heva hovud, sjølv med berre eitt horn .

I boka «Norske folkenamn med tydingar (1913)» står det at namnet Oddveig tyder «den skarpe, sterke.»

Sauene på Fjellet er fotogene, og tek seg godt ut på på både beitet og ein vegg.

Klikk på bilda for å sjå dei i større format og aktuelle variantar og storleikar.

Oddveig går med heva hovud, sjølv med eitt horn. (Foto: Håvar Fagerli)

Barndomsbilde av Oddveig frå då ho var berre nokre månader gammal i 2016. (Foto: Håvar Fagerli)

Oddveig frå sine glansdagar med to horn. (Foto: Håvar Fagerli)

Oddveig har auga med seg når ho passar på Fjellaren. (Foto: Håvar Fagerli)

Oddveig har alltid halde eit auge til Fjellaren. Dette bildet har vore med Fjellaren på fleire kontor i både privat og offentleg sektor. (Foto: Håvar Fagerli)